दोस्रो एकदिवसीय अन्तर्राष्ट्रिय क्रिकेटमा आयोजक राष्ट्र दक्षिण अफ्रिकाले भ्रमणकारी टोली भारतलाई आठ विकेटले पराजित गरेको छ । दोस्रो खेलमा दक्षिण अफ्रिका विजयी भएपछि शृंखलाको तेस्रो तथा अन्तिम खेल निर्णायक बन्न भएको छ ।

शृंखलाको पहिलो खेलमा भारतले दक्षिण अफ्रिकालाई आठ विकेटले हराएको थियो । शृंखलाको तेस्रो खेल बिहीबार खेलिने छ । दोस्रो खेलमा टस हारी पहिले ब्याटिङको निम्तो पाएको भारतले ४६.२ ओभरमा अलआउट हुनुअघि दुई सय ११ रन बनाएको थियो ।

जवाफी ब्याटिङमा ओर्लिएको दक्षिण अफ्रिकाले ४२.३ ओभरमा केवल दुई विकेट गुमाएर दुई सय १५ रन बनाउँदै विजयलक्ष्य पार ग¥यो । दक्षिण अफ्रिकाको जितमा ओपनर ब्याट्सम्यान टोनी डी जर्जीले अविजित एक सय १९ रनको योगदान गरे ।

जर्जीले एक सय २२ बलको सामना गरी ६ छक्का र नौवटा चौका पनि हिर्काए । जर्जी र रिजा हेनड्रिक्सले ओपनिङ विकेटका लागि एक सय ३० रनको साझेदारी गरे । ओपनर रिजाले पनि अर्धसतकीय पोली खेले । उनले ८१ बलमा सात चौकाको मद्दतले ५२ रन बनाए ।