धनुषको हालै रिलिज भएको फिल्म ‘क्याप्टेन मिलर’को कथा चोरेको आरोप लागेको छ । अरुण माथेश्वरन निर्देशित यो फिल्ममाथि तमिल लेखक तथा अभिनेता वेला रामामूर्तिले यस्तो आरोप लगाएका हुन् ।

आफ्नो तमिल उपन्यास र कविताका लागि परिचित वेलाले ‘क्याप्टेन मिलर’ उनको उपन्यास ‘पट्टाथु यानाई’ को प्रतिलिपि भएको दाबी गरेका छन्। उनले विना अनुमति उपन्यासलाई मिलाएर फिल्म बनाएकोमा निर्माताको आलोचना गरेका छन् ।

एउटा तमिल पत्रिकासँग कुरा गर्दै वेलाले भनिन्, ‘यो फिल्मको कथा मेरो उपन्यास ‘पट्टाथु यानाई’ मा आधारित छ । म यो चोरीको न्याय चाहन्छु। तमिल फिल्म इन्डस्ट्रीमा इमान्दारिता छैन । म यो मुद्दा तमिल सिनेमा निर्देशक संघमा लैजानेछु। मलाई आशा छ कि फिल्म निर्माता भरतिराज सरले मलाई न्याय दिनुहुनेछ।’

सो अवसरमा भेलाले यो मुद्दा उठाएर आफूलाई न त प्रसिद्ध बन्न मन छ न पैसा कमाउन मन लागेको बताए । उनीहरुले आफ्नो कामको न्याय मागिरहेका छन् । वेला अहिलेसम्म रजनीकान्तको ‘अन्नाते’, ‘सेतुपति’ र ‘कीदारी’ जस्ता फिल्महरूमा देखा परेका छन्। यसबाहेक उनले फिल्म ‘इनै नोक्की पायम थोता’ मा पनि धनुषका बुवाको भूमिका निर्वाह गरेका छन् ।

जनवरी १२ मा हलमा रिलिज भएको धनुषको ‘क्याप्टेन मिलर’ ले आइतबार १ करोडको व्यापार गरेको छ । यसको कुल आन्तरिक संकलन अहिले ४३ करोड रुपैयाँ पुगेको छ ।