रुसको वाग्नर मर्सिनरी समूहका प्रमुखले युक्रेनको बखमुट सहरको सिटी हलमा रुसको झण्डा फहराएको जानकारी दिएका छन् । राति खिचिएको भिडियोमा येभगेनी प्रिगोजिनले बखमुट सहर अब ‘कानुनी रूपमा’ रुसको अधिनमा रहेको बताएका हुन् । यद्यपि, युक्रेनका सैनिकहरूले अझै पनि पश्चिमी जिल्लाहरूमा संघर्ष जारी राखेको उनको भनाई छ । यता, युक्रेनले भने बखमुटमा अझै पनि आफ्नै नियन्त्रणमा रहेको दाबी गरेको छ । युक्रेनको पूर्वी सहरलाई रुसले केही महिनाअघि देखि नियन्त्रणमा लिने प्रयास गरिरहेको छ ।

राष्ट्रपति भ्लोदोमिर जेलेन्स्कीका चिफ अफ स्टाफ एन्द्री येरमाकले रुसले गरेको जीतको दाबी ‘वास्तविकता’ मा नरहेको र गलत सूचनाको पछि नलाग्न आग्रह गरेका छन् । लामो समयदेखि जारी भिडन्तमा दुवै देशका सैनिकहरूले ठुलो क्षति बेहोरेका छन् ।